
大寶伏藏TD734རྡོ་རྗེ་ཚེའི་སྐོར་ལས། ཚེ་སྒྲུབ་ཀྱི་བྱིན་འབེབ་བཞུགས་སོ། ། ཀློང་གསལ་ཚེ་སྒྲུབ་བྱིན་འབེབ།
20-23-1a
༄༅། །རྡོ་རྗེ་ཚེའི་སྐོར་ལས། ཚེ་སྒྲུབ་ཀྱི་བྱིན་འབེབ་བཞུགས་སོ། ། ཀློང་གསལ་ཚེ་སྒྲུབ་བྱིན་འབེབ།
༄༅། །རྡོ་རྗེ་ཚེའི་སྐོོར་ལས། ཚེ་སྒྲུབ་ཀྱི་བྱིན་འབེབ་བཞུགས་སོ། །ཧྲཱི༔ སྔོན་གྱི་བསྐལ་པའི་དང་པོ་ལ༔ བདེ་བ་ཅན་གྱི་ཞིང་ཁམས་སུ༔ མགོན་པོ་ཚེ་དཔག་མེད་པ་དང་༔ ཡུམ་ཆེན་ན་བཟའ་དཀར་མོ་ཡིས༔ སྐྱེ་འཆི་མེད་པའི་ཚེ་དབང་ཐོབ༔ བསྒྲེས་རྒུད་མེད་པའི་སྐུ་མཆོག་བརྙེས༔ ཁྱེད་ཀྱིས་ཚེ་དབང་བྱིན་ཆེན་ཕོབ༔ རི་བོ་ཏ་ལའི་ཕོ་བྲང་ན༔ འཕགས་པ་ཐུགས་རྗེ་ཆེན་པོ་དང་༔ ཡུམ་ཆེན་གསང་བ་ཡེ་ཤེས་ཀྱིས༔ སྐྱེ་འཆི་མེད་པའི་ཚེ་དབང་ཐོབ༔ བསྒྲེས་རྒུད༴ ཁྱེད་ཀྱིས་ཚེ་དབང་༴ བྲག་ཕུག་མཱ་ར་ཏཱི་ཀ་རུ༔ སློབ་དཔོན་པདྨ་འབྱུང་གནས་དང་༔ ལྷ་ལྕམ་མནྡཱ་ར་བ་ཡིས༔ སྐྱེ་འཆི་མེད༴ བསྒྲེས་རྒུད༴ ཁྱེད་ཀྱིས་ཚེ་དབང་༴ གཡའ་མ་ལུང་གི་དབེན་གནས་སུ༔ འཆི་མེད་པདྨ་འབྱུང་གནས་དང་༔ བདེ་ཆེན་རྒྱ་མཚོ་གཉིས་མེད་ཀྱིས༔ སྐྱེ་འཆི་མེད༴ བསྒྲེས་རྒུད༴ ཁྱེད་ཀྱིས༴ སྟག་ཚང་སེང་གེ་བསམ་འགྲུབ་ཏུ༔ སྐད་གཉིས་སྨྲ་བའི་རིག་ལྡན་དང་༔ བདེ་བའི་དཔལ་མོ་གཉིས་མེད་ཀྱིས༔ སྐྱེ་འཆི་མེད༴ བསྒྲེས་རྒུད༴ ཁྱེད་ཀྱིས༴ སྔོན་ཚེ་ཚེ་ཡི་ཁུངས་རེ་བཟང་༔ ད་ནི་ཚེ་ཡི་དཔལ་རེ་འདུས༔ བྱིན་ཆེན་རྣམས་ཀྱིས་བྱིན་ཕོབ་ལ༔ དབང་ཆེན་རྣམས་ཀྱིས་དབང་སྐུར་ཅིག༔ བཛྲ་གྷུ་རུ་པདྨ་སིདྡྷི་སིདྡྷི་པུཎྱེ་ཛྙཱ་ན་ཨཱ་ཡུཿསིདྡྷི་ཧཱུྃ་ཛ་ཛ༔


